Machlary prydumali novy sposab kradziažu akaŭntaŭ u Telegram
29.10.2024 / 15:13
Złamyśniki pišuć nibyta ad imia administracyi miesiendžara.
U Biełarusi ašukancy ŭžyvajuć novy sposab uhonu akaŭntaŭ u Telegram. Jany sprabujuć vydać siabie za administrataraŭ Telegram. Jany paviedamlajuć karystalniku, što akaŭnt sprabujuć uzłamać, piša Onliner.
Złamyśniki vykarystoŭvajuć ikonku z łahatypam Telegram i dasyłajuć paviedamleńnie z takim tekstam:
«Vaš akaŭnt byŭ uzłamany złamyśnikami. Było ździejśniena mnostva sprobaŭ uvachodu ŭ vaš akaŭnt».
Zatym nieviadomyja prapanujuć pierajści pa spasyłcy, kab abaranić svaje danyja. Spasyłka, naturalna, fišynhavaja, pierachod pa joj moža pryvieści da straty akaŭnta.
Raspaznać falšyvaha administratara možna pa niekalkich prykmietach: naprykład, ikonka akaŭnta kryvaja i biez ptušački, numar telefona skryty, a ŭkazany IP zvyčajna ŭbity naŭzdahad — jon znachodzicca, naprykład, u Mieksicy.