Prezident Biełaruskaj asacyjacyi advakataŭ pravoŭ čałavieka Maryja Kolesava-Hudzilina raptoŭna pakinuła arhanizacyju
17.10.2024 / 8:26
Pra heta jana napisała ŭ svaim fejsbuku.
Defendersbelarus.org
«Z 11 kastryčnika 2024 hoda, pa ŭłasnaj zajavie, ja bolš nie źjaŭlajusia členam Biełaruskaj asacyjacyi advakataŭ pravoŭ čałavieka. Hety dośvied byŭ dla mianie nieacennym. Žadaju kaleham pośpiechaŭ u ich dalejšaj pracy», — napisała Maryja Kolesava-Hudzilina.
Biełaruskaja asacyjacyja advakataŭ pravoŭ čałavieka była stvorana ŭvosień minułaha hoda. Advakaty, jakija byli pazbaŭlenyja prava na prafiesiju ŭ Biełarusi i vymušana pakinuli krainu, abjavili pra svajo rašeńnie abjadnacca ŭ takuju arhanizacyju.
Metami i zadačami asacyjacyi źjaŭlajucca: pradstaŭnictva pierad zamiežnymi kalehami, sumiesnaje abmierkavańnie ahulnych prablem i pošuk ich vyrašeńnia, dapamoha kaleham u Biełarusi, naroščvańnie prafiesijnych kampietencyj i padtrymańnie vysokich standartaŭ prafiesii, što ŭ budučyni moža stać asnovaj dla demakratyčnych reformaŭ advakatury ŭ Biełarusi.