Сілавікі затрымалі дальнабойшчыка, які ў чат-рулетцы «наплёў, што ваяваў»
4.07.2024 / 10:47
Сілавікі затрымалі дальнабойшчыка з аграгарадка Стара-Барысаў. У відэачаце ён сказаў «Слава Украіне» і што тэлефанаваў у пасольства Украіны.
На міліцэйскім відэа мужчына кажа, што ў чат-рулетцы «наплёў, што нібыта ваяваў», а таксама, што тэлефанаваў ва ўкраінскае пасольства.
Затрымліваць дальнабойшчыка прыехалі 6 чалавек са зброяй і вялікая група ў штацкім. Затрыманне здымалі з дрона.