Śviet

Uviadzieńnie bufiernaj zony na polska-biełaruskaj miažy adkładajecca

Pra toje, što zapłanavanaje na 4 červienia ŭviadzieńnie bufiernaj zony na miažy Polščy ź Biełaruśsiu pieranosicca ŭ časie, 3 červienia paviedamiŭ ministr unutranych spraŭ i administracyi Polščy Tomaš Siemoniak. Ale adkładańnie nie budzie praciahłym.

Fota: Agnieszka Sadowska / AP Photo 

«My chočam mieć jašče trochi času, niekalki dzion, kab prakansultavacca ź miascovymi ŭładami, nacyjanalnym parkam i hramadskimi arhanizacyjami», — cytuje ministra RMF.

Rašeńnie, jakoje prapanujuć pamiežniki, armija i palicyja, pavinna maksimalna ŭličvać intaresy miascovaha nasielnictva, śćviardžaje jon. Pa słovach ministra, urad pryniaŭ «hnutkuju formułu adlehłaści ad miažy».

Płanavałasia, što 200-mietrovaja bufiernaja zona ŭ Hajnaŭskim i Biełastockim pavietach na polska-biełaruskaj miažy źjavicca 4 červienia. Polšča tłumačyć jaje ŭviadzieńnie nieabchodnaściu zabiaśpiečyć efiektyŭnuju achovu miažy.

Pakul ža na biełaruskuju miažu dadatkova nakiravanyja jašče 100 vajskoŭcaŭ. Heta dva bataljony z 6-j pavietrana-desantnaj bryhady i 25-j pavietrana-kavaleryjskaj bryhady.

Kamientary da artykuła