Грамадства

Свята-Елісавецінскі манастыр шле лісты каталіцкім грамадам у Еўропе. Іх змест вас здзівіць

Свята-Елісавецінскі манастыр рассылае лісты каталіцкім грамадам Заходняй Еўропы, якімі спрабуе пераканаць, што, маўляў, не падтрымлівае Расію ў вайне супраць Украіны.

Канцэрт «Сваіх не кідаем», прымеркаваны да Дня абаронцаў Айчыны. Крыніца: obitel-minsk.ru

Аўтары ліста сцвярджаюць, што інфармацыя пра куплю дронаў і аўтамабіляў для расійскага войска ў манастыры хлуслівая. У тэксце сказана, што манастыр не займае нічый бок у вайне і не дапамагае вайскоўцам, паведамляе «Хрысціянская візія».

У манастыры запэўніваюць, што дапамагаюць толькі сіротам, бяздольным і беднякам. Толькі некаторыя манашкі, як сцвярджаецца, удзельнічаюць у гуманітарнай місіі і дапамагаюць ахвярам вайны.

Аўтары ліста просяць «не верыць паклёпу, які распаўсюджваецца ў дачыненні да манастыра» і «захоўваць дух сяброўства паміж праваслаўнымі і каталікамі».

Журналісты раней неаднаразова знаходзілі доказы дапамогі, якую аказвае манастыр расійскім вайскоўцам. На грошы, сабраныя ў ім, закупляліся ў тым ліку аўтамабілі для расійскай арміі. Акрамя таго, у манастыры праходзілі выставы, прысвечаныя расійскім «героям СВА», а таксама хросныя хады і канцэрты з Z-сімволікай ды расійскімі сцягамі.

Каментары да артыкула