Zdareńni

Žychar Navahrudka pasprabavaŭ kupić u fejsbuku kvateru ŭ Turcyi. Ale ŭsio pajšło nie tak

U kancy sakavika 53-hadovy žychar Navahrudka natknuŭsia ŭ fejsbuku na rekłamu ahienctva, jakoje ažyćciaŭlaje prodaž nieruchomaści ŭ Turcyi. Jon pierajšoŭ pa spasyłcy na sajt, dzie nieabchodna było pakinuć svaje kantaktnyja dadzienyja dla suviazi. Praź dzień ź im źviazaŭsia mužčyna, jaki pradstaviŭsia ryełtaram i prapapanavaŭ dapamohu ŭ pošuku žylla, raskazvaje hrodzienskaja milicyja.

Ilustracyjnaje fota

Na praciahu miesiaca pradstaŭnik ahienctva prapanoŭvaŭ varyjanty nieruchomaści, jakija možna nabyć. Z patencyjnym pakupnikom jany razmaŭlali praz WhatsApp, pierapisvalisia i stelefanoŭvalisia. Narešcie mužčyna abraŭ prydatnyja dla jaho apartamienty, košt jakich skłaŭ 25 tysiač jeŭra. Pakupnika ničoha nie naściarožyła, košt jaho zadavalniaŭ, i jon pierajšoŭ da afarmleńnia ździełki i zaklučeńnia dahavora.

Praŭda, nieabchodna było ŭnieści pieradapłatu ŭ pamiery 10% ad koštu nieruchomaści.

Psieŭda-ryełtar byŭ vielmi pierakanaŭčym. Jon skidaŭ dakumienty, jakija paćviardžajuć jaho asobu, dahavor na ździełku i nieadnarazova stelefanoŭvaŭsia z paciarpiełym pa videasuviazi, pakazvajučy svoj tvar. Tamu nijakich sumnievaŭ u paciarpiełaha nie było.

U vyniku ž paśla pieravodu hrašovych srodkaŭ na rachunak złamyśnik pierastaŭ vychodzić na suviaź, a paciarpieły źviarnuŭsia pa dapamohu ŭ pravaachoŭnyja orhany.

Zaviedzienaja kryminalnaja sprava pa artykule «machlarstva».

Kamientary da artykuła