Vajna

Ukraina evakuiruje žycharoŭ pamiežnych rajonaŭ Charkaŭskaj vobłaści

Heta vyklikana nastupam Rasii, jakaja žadaje zachapić Charkaŭ. 

Pošuk mirnych žycharoŭ u razburanych siołach Charkaŭskaj vobłaści. Skrynšot videa Nacyjanalnaj palicyi Ukrainy.

U Charkaŭskaj vobłaści ź piatnicy, 10 maja, praciahvajecca evakuacyja mirnaha nasielnictva z pryhraničnych nasielenych punktaŭ. Heta źviazana z nastupam, jaki viadzie Rasija. Pra heta paviedamlajuć miascovyja ŭłady i Nacyjanalnaja palicyja. 

Nacyjanalnaja palicyja Ukrainy paviedamiła, što vyvieła 970 čałaviek. Usiaho, jak paviedamili napiaredadni, 11 maja, miascovyja ŭłady, było evakuiravana kala 1,8 tysiačy čałaviek.

Nahadajem, Rasija viadzie nastup u Charkaŭskaj vobłaści. Napiaredadni Ministerstva abarony Rasii zajaviła ab zachopie šaści nasielenych punktaŭ — piaci ŭ Charkaŭskaj vobłaści i adnaho — u Danieckaj.

U kancy krasavika ŭ Rasii ŭpieršyniu aficyjna zajavili pra namier zachapić Charkaŭ. Takija vysnovy zrabili śpiecyjalisty Instytuta vyvučeńnia vajny (ISW), praanalizavaŭ słovy kiraŭnika rasijskaha MZS Siarhieja Łaŭrova ŭ čas jahonaha intervju prapahandystam.

Kamientary da artykuła