Śviet

Microsoft zabaraniŭ palicyi ZŠA vykarystoŭvać štučny intelekt dla raspaznańnia tvaraŭ

Kampanija Microsoft zabaraniła amierykanskaj palicyi vykarystoŭvać dla raspaznańnia tvaraŭ štučny intelekt na asnovie technałohii OpenAI, piša dev.by.

Va ŭmovy absłuhoŭvańnia asiarodździa Azure OpenAI Service ŭklučanaja norma, jakaja zabaraniaje jaje intehracyju z palicejskimi strukturami ŭ ZŠA z metaj raspaznańnia tvaraŭ, u tym liku z madelami II dla analizu vyjaŭ.

Asobna zabaraniajecca vykarystańnie technałohii raspaznańnia tvaraŭ u realnym časie na mabilnych kamierach, u tym liku nacielnych kamierach i videarehistratarach.

Zabarona raspaŭsiudžvajecca tolki na palicyju ŭ ZŠA. Jana nie tyčycca sistem raspaznańnia tvaraŭ z dapamohaj stacyjanarnych kamier u kantralavanych asiarodździach — naprykład, u adździaleńni palicyi.

OpenAI pry hetym supracoŭničaje ź Minabarony ZŠA, kampanija ŭ tym liku dapamahaje raspracoŭvać prahramnaje zabieśpiačeńnie dla vajennych apieracyj.

Kamientary da artykuła