Hramadstva

Dyrektara Muzyčnaha teatra, dzie syhrali «Pieramien», usio ž zvolnili

Dyrektar Muzyčnaha teatra Siarhiej Pukita zvolnieny sa svajoj pasady. Jaho proźvišča źnikła sa staronki ź imionami kiraŭnikoŭ na sajcie kalektyvu. Raniej krynica «Lusterka» paćvierdziła, što 21 sakavika ŭ Pukity byŭ apošni pracoŭny dzień.

Fota: Tut.by

Pryčynaj zvalnieńnia, mabyć, stała kampazicyja «Pieramienaŭ!» savieckaha rok-hurta «Kino». 16 sakavika ŭ Muzyčnym teatry vystupaŭ simfaničny arkiestr Varoniežskaj kancertnaj zały z prahramaj «Antałohija ruskaha roku», u repiertuary jakoha jakraz jość hetaja kampazicyja.

17 sakavika telehram-kanał «Motolkohelp» apublikavaŭ aŭdyjozapis vystupu i reakcyju zały. Pavodle źviestak kanała, arkiestru «padpiavała litaralna ŭsia zała».

— Zała padtrymała vystup z hetaj kampazicyjaj, stojačy ź lichtarykami, — raspaviała krynica.

Paśla hetaha było pryniata rašeńnie zvolnić Pukitu.

— Supracoŭniki teatra ŭ cełym charaktaryzujuć jaho jak razumnaha, sumlennaha čałavieka, — kamientavaŭ naš surazmoŭca.

Ciapier v.a. dyrektara pryznačyli Hienadzia Misunu, jaki da hetaha zajmaŭ pasadu namieśnika dyrektara.

Čytajcie taksama:

Z Muzyčnaha teatra, dzie dniami praśpiavali «Pieramien!», źbirajucca zvolnić dyrektara

Na kancercie ŭ Minsku ludzi śpiavali «Pieramien!»

Na sioletnim «Słavianskim bazary» pakažuć biełaruskamoŭnaha «Hamleta». Ale stavić budzie rasiejec

Kamientary da artykuła