Hramadstva

«Radyjo Ŭnet» spyniła viaščańnie prahram na biełaruskaj movie

«Radyjo Ŭnet» zajaviła pra časovaje spynieńnie viaščańnia prahram na biełaruskaj movie. Pryčyna — u adsutnaści finansaŭ. 

«Na žal, dahetul my nie majem infarmacyi ad Ministerstva zamiežnych spraŭ Respubliki Polšča ab praciahu padtrymki biełaruskaj redakcyi. Takim čynam, my byli vymušany časova prypynić našuju pracu. Dziakuj našym słuchačam i haściam prahram. Vierym u lepšaje. I jašče pačujemsia!» — havorycca ŭ zajavie.

«Radyjo Ŭnet» pačało pracu 11 listapada 2020 hoda i sfarmavałasia z žurnalistaŭ, jakija z-za represij byli vymušanyja źjechać ź Biełarusi.

Biełaruskaja redakcyja «Radyjo Ŭnet» źjaŭlajecca častkaj polskaha Radio Wnet i vychodzić u efir kožny budni dzień ranicaj i ŭviečary. 

Efir «Radyjo Ŭnet» stvarajecca biełaruskaj redakcyjaj u supracoŭnictvie z polskimi studyjami Radio Wnet u Varšavie, Kijevie, Vilni i Lvovie, a karespandenty Radyjo Ŭnet pracujuć u Polščy, Ukrainie, Litvie i Šviejcaryi.

Čytajcie taksama:

«Niapraŭda, što hrošy na «Biełsat» skaracili ŭdvaja» — MZS Polščy

«Što značyć, što mnie chopić kiravać?» Byłaja kiraŭnica «Biełsata» raskazała, čamu jašče nie hatovaja pakinuć kanał

«Kamanda nie budzie asprečvać lidarstva Dzikavickaha, ale za im buduć pryhladać». Ci źmienicca «Biełsat» z novym kiraŭnikom

Kamientary da artykuła