Usiaho patrochu

U Baranavičach na aŭkcyjonie pradajuć aŭtohraf nibyta Juryja Haharyna. Cana niemaleńkaja

Prapanova ab prodažy aŭtohrafa, jaki nibyta naležyć pieršamu ŭ śviecie kasmanaŭtu Juryju Haharynu, źjaviłasia na bujnym sajcie pa prodažy antykvaryjatu. Łot znachodzicca ŭ Baranavičach, piša miascovaje vydańnie Bar24.by.

Vyjava z aŭtohrafam Juryja Haharyna, jakaja pradajecca ŭ Baranavičach. Skrynšot z sajta ay.by

Da kupli prapanujecca albom z paštoŭkami lotčykaŭ-kasmanaŭtaŭ SSSR. Na paštoŭcy z vyjavaj Haharyna staić podpis. Uładalnik alboma piša ŭ abjavie, što jon naležyć samomu Haharynu, i što aŭtohraf byŭ pakinuty ŭ 1963 hodzie.

Aŭtohraf nibyta Haharyna ŭładalnik alboma acaniŭ u 35 tysiač biełaruskich rubloŭ. Heta košt niakiepskaha patrymanaha aŭtamabila.

Pry hetym jość padstavy dla sumnievaŭ, što aŭtohraf sapraŭdy naležyć pieršamu ŭ śviecie kasmanaŭtu. Pradajučy takija rečy, kalekcyjaniery zvyčajna prykładajuć fota siertyfikataŭ, jakija paćviardžajuć sapraŭdnaść taho ci inšaha podpisu. U hetym ža vypadku pra siertyfikat ničoha nie skazana. Jahonaje fota taksama nie vystaŭlajecca, tolki sam albom i podpis na fota z Haharynym.

Treba skazać, što na rasijskich sajtach aŭtohrafaŭ Haharyna pradajecca davoli šmat. Ceny na ich vahajucca ad 35 tysiač da paŭtara miljona rasiejskich rubloŭ, u pieraliku na biełaruskija heta prykładna ad 1100 da 51000. 

Čytajcie taksama:

U Kruhłym pradajuć fantan. Ale za hetym staić trahičnaja historyja

Pad Minskam pradajucca kvatery za 300 (trysta) rubloŭ

U Breście pradali byłuju carskuju kazarmu. Cana na tarhach uźlacieła ŭ dzieviać tysiač razoŭ

Majku futbalista Ramana Vasiluka pradali z aŭkcyjonu za 14001 rubiel

Kamientary da artykuła