«Chočacca skazać kampanijam z tryljonnymi kapitalizacyjami i techna-vizijanieram: chłopcy, a vy nie afihieli?»
4.10.2023 / 21:9
Niekalki, zdavałasia b, nieźviazanych navin apošniaha času i adno razvažańnie apublikavaŭ na svajoj staroncy ŭ fejsbuku žurnalist Maksim Machańkoŭ.
1. Mnohija supracoŭniki Kremnijevaj daliny śpiać u kapsułach-barakach, prosta jak rabočyja na kitajskich fabrykach u 90-ch.
2. Fejsbuk i instahram buduć prapanoŭvać płatnuju padpisku svajho h-na.
3. Iłan Mask, techna-miesija, vizijanier, najbahaciejšy čałaviek płaniety, pościć u Ch (ex-Twitter) miem, u jakim kpić z naroda, jaki staŭ achviaraj hienacydalnaj vajny ŭ centry Jeŭropy.
4. 48-miehapiksielnyja telefony, dyski na 5 terabajt, zvyšchutkasny 5G i aptavałakonny internet, Chat GPT i sucelny AI. Ličby, ličby, ličby… Ale čamu moj skajp na Dial-Up internecie z chutkaściu 52 kbit/s u 2006 hodzie pracavaŭ vydatna, dazvalajučy razmaŭlać sa svajakami z Amieryki, u tym liku sa słabieńkaha kampa? A skajp 2023 hoda… Vy karystalisia hetym h-nom, jakoje hlučyć na hihabitnaj linii i na sučasnym kampie z apošnim žalezam?
Čamu moj ICQ-klijent u 2007 hodzie pracavaŭ na vydatna, majučy narmalny interfiejs, afihienny pošuk, a ciapier, u 2023 hodzie, Discord, Viber, WhatsApp i navat Telegram vyhladajuć prosta sapraŭdnym h-nom? Telegram takoje samaje h-no (biez narmalnaha pošuku, biez katałahizacyi, bieź indeksacyi ŭ pošukavych sistemach), prosta inšyja jašče horšyja.
Štučny intelekt, tryljonnyja kapitalizacyi, a Majkrasoft dahetul nie daje narmalna vydalić nieaktyŭnuju arhanizacyju sa svajho Teams, a prahrama kožny raz ździŭlaje novymi hlukami. Viber isnuje stolki hadoŭ, ale tam dahetul dla taho, kab dadać novyja fotki z halerei ŭ čat, treba hety Viber pierazapuskać. Ja ŭžo maŭču pra toje, jak kampanii źbirajuć danyja i tak i imknucca vymantačyć tvoj numar telefona.
Na fonie hetaha ŭsiaho tak i chočacca skazać kampanijam z tryljonnymi kapitalizacyjami i techna-vizijanieram: chłopcy, a vy nie afihieli? Ja ščyra spadziajusia, što palityčnaje kiraŭnictva libieralnych demakratyj narešcie pakončyć z hetym manapalistyčnym kodłam i adnović narmalnuju zdarovuju kankurencyju na hetym rynku, i abmiažuje ich ekanamičny i palityčny ŭpłyŭ, jakim jany, vidavočna, złoŭžyvajuć.
Čytajcie taksama:
Try biełaruskamoŭnyja strymiery patrapili ŭ aficyjnuju prahramu padtrymki Cyberpunk 2077
Što takoje Bluesky, kudy biełarusy sychodziać z tvitara? I ŭ jakim stanie ciapier Bel_sky?