Śviet

Ukrainski sud uziaŭ pad vartu mitrapalita UPC Maskoŭskaha patryjarchata

Sud u Kijevie źmianiŭ mieru strymańnia namieśniku Kijeva-Piačerskaj łaŭry mitrapalitu Paŭłu z chatniaha aryštu na ŭtrymańnie pad vartaj. Śviatar zastaniecca ŭ SIZA da 14 žniŭnia. Akramia taho, sud ustanaviŭ mahčymaść zakładu pamieram 33 miljony hryŭniaŭ (kala 900 tysiač dalaraŭ pa biahučym kursie), paviedamlaje «Radyjo Svaboda».

Mitrapalit Pavieł. Fota: Oleksii Chumachenko / Anadolu Agency via Getty Image

Namieśnika Kijeva-Piačerskaj łaŭry abvinavačvajuć u raspalvańni nianaviści na relihijnaj hlebie, publičnych zaklikach da raźviazvańnia ŭzbrojenaha kanfliktu i admaŭleńni niezaležnaści Ukrainy. Pavodle Słužby biaśpieki Ukrainy, śviatar taksama apraŭdvaŭ bajavyja dziejańni Rasii ŭ dačynieńni da Ukrainy.

Raniej SBU apublikavała narezku z telefonnych razmoŭ i propaviedziaŭ Paŭła, u jakich, jak śćviardžaje inicyjavanaja słužbaj ekśpiertyza, śviatar «nieadnarazova abražaŭ relihijnyja pačućci ŭkraincaŭ, źnievažaŭ pohlady viernikaŭ inšych kanfiesij i sprabavaŭ sfarmiravać varožyja nastroi da ich», a taksama «rabiŭ zajavy, jakija apraŭdvali ci admaŭlali dziejańni krainy-ahresara».

Na sudzie vinu mitrapalit nie pryznaŭ i nazvaŭ spravu «palityčnaj zamovaj». Kamientujučy rašeńnie suda, jon zajaviŭ, što sudździa nibyta dziejničała pad ciskam ludziej, jakija zacikaŭlenyja ŭ jahonym aryšcie. Detalaŭ jon nie pryvioŭ.

Čytajcie taksama:

SBU aficyjna vystaviła abvinavačvańni mitrapalitu Paŭłu. Sprava była zaviedzienaja na padstavie prasłuchoŭvańnia telefona

BPC hatovaja pryniać prarasijskich manachaŭ z Kijeva-Piačerskaj łaŭry ŭ siabie, kali ich adtul vysielać

Mitrapalit Vienijamin zaklikaŭ biełaruskich śviataroŭ malicca za Kijeva-Piačerskuju łaŭru malitvaj, papularnaj u akultystaŭ

Kamientary da artykuła