Hramadstva

Ź Biełarusi zabaranili vyvozić muku, krupy, alej, cukar i sol

Urad uvioŭ abmiežavańni na vyvaz z krainy asobnych vidaŭ charčovych tavaraŭ.

Ciapier vyvozić za miežy JEAES možna:

muki (hračanaj, pšaničnaj) — da 1 kh;

asobnych vidaŭ krup (hračanaj, rysavaj, mannaj, aŭsianaj, aŭsianych šmatkoŭ, prosa) — da 1 kh;

cukru — da 1 kh;

soli — da 1 kh;

makaronnych vyrabaŭ — da 1 kh;

aleju — da 1 ł;

kansiervaŭ miasnych, małočnych i rybnych (za vyklučeńniem kansiervaŭ dla dziciačaha charčavańnia) — da 3 blašanak.

Abmiežavańnie nie raspaŭsiudžvajecca na tavary, nabytyja ŭ kramach biaspošlinnaha handlu, raźmieščanych u punktach propusku praź dziaržmiažu Biełarusi.

Pry hetym praduhledžanaja mahčymaść vyvazu takich tavaraŭ biez abmiežavańniaŭ u vypadkach, vyznačanych abłvykankamami.

«Pastanova pryniataja ŭ metach abarony ŭnutranaha rynku ŭ suviazi z pavyšanym popytam u pamiežnych rajonach na bakalejnyja tavary, jakija fizičnyja asoby nabyvajuć kamiercyjnymi partyjami dla vyvazu za miežy Respubliki Biełaruś», — udakładnili ŭ pres-słužbie.

Kamientary da artykuła