Hramadstva

Nastupu rasijskich vojskaŭ papiaredničaje artyleryjski ahoń, paśla idzie pieramiaščeńnie vajskovaj techniki

Dziaržaŭnaja pahraničnaja słužba Ukrainy paviedamlaje, što nastupu rasijskich vojskaŭ praź dziaržaŭnuju miažu papiaredničaje artyleryjski ahoń, paśla adbyvajecca pieramiaščeńnie vajskovaj techniki.

Rasijskaja vajskovaja technika, u tym liku bronietechnika, parušyła dziaržaŭnuju miažu ŭ Čarnihaŭskaj, Sumskaj, Łuhanskaj i Charkaŭskaj abłaściach. U pryvatnaści, u Čarnihaŭskaj vobłaści technika praciŭnika prajšła praz błok-pasty Siańkoŭka (punkt propusku na miažy z Rasijaj) i Hramiač i na inšych napramkach.

Ruch kałon taksama adbyvaŭsia praz punkt propusku «Budarka» ŭ Charkaŭskaj vobłaści i ŭ napramku punkta propusku «Miłava» ŭ Łuhanskaj vobłaści.

Pad abstreł trapiła bolšaść pahraničnych padraździaleńniaŭ i pahraničnych naradaŭ Łuhanskaj, Sumskaj, Charkaŭskaj, Čarnihaŭskaj i Žytomirskaj abłaściej.

Pavodle najaŭnaj infarmacyi, paciarpieli vajskoŭcy.

Kamientary da artykuła