Кіраўніца Купалаўскага тэатра выступіла на адкрыцці алкагольнай крамы ў Маладзечне ФОТА
30.06.2021 / 12:6
Мастацкі кіраўнік Купалаўскага тэатра, актрыса Вольга Няфёдава выступіла на адкрыцці крамы алкаголю «Белмытнясэрвіс», што адкрылася ў Маладзечне. Пра гэта напісаў на свай старонцы «УКантакце» мясцовы гандлёвы цэнтр.
Тамара Міронава і Вольга Няфёдава (справа). Фота: гандлёвы цэнтр «Спутнік»
Падчас урачыстага адкрыцця госці ўбачылі ўрывак са спектакля «Паўлінка», у якім сыгралі актрысы Вольга Няфёдава і Тамара Міронава.
Абедзве засталіся ў Купалаўскім тэатры пасля падзей жніўня 2020 года.
Вольга Няфёдава стала вядома сваімі інтэрв’ю, у якіх крытыкавала былых калег, а таксама тым, што плакала на сустрэчы з Аляксандрам Лукашэнкам.
Сёлета яна была прызначана мастацкім кіраўніком тэатра.